Morti sen studenecv grabi
na Kardinolovi zemli
morti sen Sovičov kuj
šteri nan jivo orje
morti sen krastača v mlaki
gero Benek se tak boji
ali pa sadovjok, šuma, gorice
morti sen krava v štalinki
to itak sen
baren to znon
morti sen vajnkuš perja
gerega smo perje duma ščežuhali
morti sem divja jagoda
gere so mati na paši tak radi brali
morti kopriva
ščera tak peče kak sto vragov vkuper
morti sen pisani oblak na nebi
geri se nam včosih smeji
ali pa počmigovne
ali pa morti ovi
gere včesne v našo drevo
morti sen svija v štalinki
gero bojo gnes klali
* * *
poglednem se v počeni špegel
pitam se
štera sen
špegel nemre gučati
zato drogi ledje
ne pitajte me štera sen
* * *
dedek se je s pivnice zadrja:
»nagni si štamperli žganice
potle se vse bokše vidi
polek si odreži falat kruha
če ti je prehuda za gutoč.«
s pipe potegne en dugi cuk
zato vnoči kašla kak stori cigon
Misli si son pri sebi
še dobro da sma z Lucijo pricajti hmrla
za tebe deklina si belima glavo
* * *
morti moram oditi v spovednico
zmoliti kak se spodobi
baren en očenaš, zdravo marijo
rožni venec nesme nikak faliti
morti se mi posle posveti štera sen
* * *
dedek so si vteknili domoče turke za klobuk
geri po celi vesi dišijo
svetni gvant
bataši so že od včera spucani
tak se svetijo
kak bi bili novi
malo pluneš gor
pa glancaš
pa pluneš
najbokše je glancati z rokovom
te se svetijo na dalečki
krema za šuhe je predroga
za kmečko penzijo
»deni si drobiš v žep
da deci kupišsladoled
pa za mežnara ne pozobi
glih so pri roni meši predgali
da premalo dovlemo
nemrejo oni od drobiža živeti
ne pozobi čisti ropček
sen ti ga včera speglala
morti se moraš smrkniti
nemreš v rokov
tak kak duma
tan je tudi gospoda.«
* * *
na konci meše srečam Štefico
pitam je »kak je pri vaši hiži?«
»pa znoš kak je
stori je vsaki den hujši od pijače
dosti hujši
kak je negda bija
leče pijan okoli voglov
robonti
kaj češ
nemremo ga bujti.«
* * *
neznan štera sen
znote štera bi hčela biti?
Zovec , ki štrigla z vuhami
leče svoboden seposodi
dokle
ga lovec ne poči
