Negda, kda sam išče biu mali,
da sam rasel,
to je bilo onda,
da so išče nekak si
na me gledali, kakši sem,
kaj bo s toga dečkera,
komu sam spodoben,
kuod hodim
kaj delam,
kak se v školi vučim,
ali se rad spominam,
ali sam fajn ali ne,
ali sam spameten,
to so ludi šteli znati,
či rad delam,
či se večer potepam,
či mamo posluhnem,
či se japi pokoravam.
»Čiji je to dečko...«
Onda sam nej znal
zakaj je se to
nekaj takšega,
kaj te pre srcu greje...
Ali danes,
da več nišči ne spitavle za te,
da niti nikoga več ne zanima,
kaj je kaj s tobom,
denes,
da se moram spominati z oblaki,
s ftiči, z vetrom, s šumom,
z zemlom, z mravlami, z čmelami,
denes,
da su več zdavja
si otišli mimo mene,
si, šteri su znali reči
»Glej, glej, tej Nacekov Djurek,
pak je zaistinu dober dečko.«
Denes jako dobro znam,
kak je se to na svetu...
SOSEDA DORA
Gizdava i glasna je bila
za svaju da gud si štel,
a i za ljubav, su rekli je bila,
či si pu prstaj došel k njej.
Oči kak ogej je mejla.
Smeha je drugim šenkavala
prez vage, prez metra, prez
merice.
Da je išče mlada bila,
veliju, hodila je kak da bi išla
po drotu i saku formu huncvutarije
su ji po glavi hodile
Najempot je soseda Dora ftihnila,
i hapila na Cintor hoditi,
tam je za sineki, Francekom
i Tončekom javkala
i prejavkala.
A nekaj let potli
ga susede Dore nej bilo več ...
Mirno je s svojimi sineki
na cintorinu spala ...
A če bi ji na grobu tiho
zašepetal
»Soseda Dora, zutra bo ples!«
tak se mi vidi,
da bi najemput poluknula z groba
i skrivečki otišla na ples...
ZABADAF IŠČEŠ
Zabadaf išče prijatela,
prijatel, prijateli su bili
pak jih je z naše hiže natiral
stranjski človek.
Zabadaf iščeš srce prijatel,
srce smo meli,
nekomu je palo na kamen
pak se je potrlo ...
Zabadaf iščeš den, prijatel
i den smo meli,
pak smo ga s kmicom zamejali,
a što bi ve znal, da je kmica,
da je den...
Zabadaf iščeš zemlo, prijatel,
i zemlo smo meli,
premalo smo ju poštuvali,
pak je zrasel po celi zemlji
drač ...
PST, TIHO!
Pst, tiho ...
Či čujemo dečiji smeh,
či slaviček milo popevle,
či večer zvoni zdravomarija,
či tulipan vjutru otpira glavicu,
či se v novi hiži na steni išče s
like starih gospodarof,
či mesec prez kluča hodi v hižu,
či je srce zadovolno i miruvle,
či na veter večer zašepeče
»Lehko noč!«
či zada vjutro reče
»Dober den!«
Pst, tiho …
Tiho!
NAVEK NEKAJ ČAKAM
Takši, kak sam denes,
takši sem bil i negda,
navek sem nekaj čakal.
Či vam čisto istino povem,
ne znam, kaj je to,
kaj čakam...
Tak se mi vidi,
da je to nekaj takšega,
kaj se fletno rodi,
kaj odmah zraste i cvete
i kaj je najemput zrelo...
Drugi den je to nekaj
čisto ekstra slatkoga
kaj te v hipu omami tak,
da si jako srečen zato,
kaj dobro ne vidiš...
Ali pak je to i nekaj takšega,
kaj se niti ne vupaš misliti,
da bi to štelo pri tebi ostati...
Vu tom ga nej nikšega greha,
nikšega fjakuvanja...
Pravo sliko toga nepoznatoga
pokaže sam ono zrcalo,
štero svojih slik ne prodavle
i štero da sakemu človeku
navuka
»Dugo bo živel človek,
šteri dugo čeka…«
STARI DVOR
Se kaj si štel
je bilo vuni na dvoru:
kokoši i race,
goske i pure,
pes i njegova hižička,
kuruzjk i klopotec,
štala i krave,
kotec i svije,
brajde i teglin s cvetjem,
kola i ornice,
brana i jarem pod kapom,
prislojeni bič pre štali,
trčki za kuriti
i složena nacepana drva,
plug na guhni,
stara ponjava,
stopa za proso i hajdino,
brajde po polovici dvora,
pod brajdami stol i klope,
pod kapom kosa, srp i voder
s brusom i slatki papriš
pred drvaj tačke i sekira …
To, do ve ni nikša pesmica,
tak je negda bilo.
Ali ve,
da se nešči spitavle,
kak je to mogoče,
da je človek dozvolil,
kaj je »Nešči«
z bičom razegnal se,
kaki je bilo lepo,
pak si se nej niti zase prišparal
falaček stare sreče...
To je ta moderna pesmica...
Je.. je...
tak je to na svetu,
stari dvor je zginil
a novi nikdar ne bu dojšel ...
MEDJIMURJE MALO, KAKŠE JE TO TVOJE LICE?
Što bi si bil to negda mislil…
Ali su ludi nej znali, ali su
nej vupali sega toga napraviti,
kaj dendenes delaju?
Kruha po cesti mečeju
s starih hiž se norca delaju novoj,
si oltare zidaju,
pak skriveeki pod oltarom klečju
moliju i moliju...
»Daj, božek dragi, kaj nišči
drugi ne bu imel sega toga,
kaj ja imam…
Oblačiju se tak kak grofi,
z očaljemi se španceraju,
stare lenke zahitavljeju,
sveče sam za boič vužgaju,
ot hiže bežiju …
dimo samo jest hodijo,
peneze na kup spravljaju,
sosede ne priznaju
z jednuga na. tirugi sastanke lečeju,
i klafraju i lažeju
i praznu slamu mlatiju;
spametni su itak si i prespametni,
najbole pak išče uni,
šteri nikše škole nemaju...
Stare ludi jako fletno s hiže
pravlaju, pak či treba se na
cintoru i plačeju, ali nej od
žalosti i tuge, neg od sreče,
kaj su se jim s sveta vugnili.
Što se vupa sega se zavžije,
što ne vupa siromak je i siromak
ostane.
A vu srcu je toliko praznoga,
da bi lehko prazno s praznim
krpali, pak bi praznoga nikdar
ne zakrpali, zato,
kaj se zna, kaj je bilo negda,
jako dobro skup zašito
samo para, para...
dok se ne spara...
Nazadnje se i človek sam raspara
pak ostaneju sam canjki...
Medjimurje malo,
se buš, da zracilo od toga betega
se bo išče dale, tvoje duša parala
ali pak bo što napravil vozla,
kaj se ti ne bu vsa oprava
razparala?
Pesmi so iz zbirke »Deca prez svetešnje oprave«, Slovenska Bistrica, 1985.
KAJ BUŠ, TAK JE TO NA SVETU!
Negda, kda sam išče biu mali,
da sam rasel,
to je bilo onda,
da so išče nekak si
na me gledali, kakši sem,
kaj bo s toga dečkera,
komu sam spodoben,
kuod hodim
kaj delam,
kak se v školi vučim,
ali se rad spominam,
ali sam fajn ali ne,
ali sam spameten,
to so ludi šteli znati,
či rad delam,
či se večer potepam,
či mamo posluhnem,
či se japi pokoravam.
»Čiji je to dečko...«
Onda sam nej znal
zakaj je se to
nekaj takšega,
kaj te pre srcu greje...
Ali danes,
da več nišči ne spitavle za te,
da niti nikoga več ne zanima,
kaj je kaj s tobom,
denes,
da se moram spominati z oblaki,
s ftiči, z vetrom, s šumom,
z zemlom, z mravlami, z čmelami,
denes,
da su več zdavja
si otišli mimo mene,
si, šteri su znali reči
»Glej, glej, tej Nacekov Djurek,
pak je zaistinu dober dečko.«
Denes jako dobro znam,
kak je se to na svetu...
SOSEDA DORA
Gizdava i glasna je bila
za svaju da gud si štel,
a i za ljubav, su rekli je bila,
či si pu prstaj došel k njej.
Oči kak ogej je mejla.
Smeha je drugim šenkavala
prez vage, prez metra, prez
merice.
Da je išče mlada bila,
veliju, hodila je kak da bi išla
po drotu i saku formu huncvutarije
su ji po glavi hodile
Najempot je soseda Dora ftihnila,
i hapila na Cintor hoditi,
tam je za sineki, Francekom
i Tončekom javkala
i prejavkala.
A nekaj let potli
ga susede Dore nej bilo več ...
Mirno je s svojimi sineki
na cintorinu spala ...
A če bi ji na grobu tiho
zašepetal
»Soseda Dora, zutra bo ples!«
tak se mi vidi,
da bi najemput poluknula z groba
i skrivečki otišla na ples...
ZABADAF IŠČEŠ
Zabadaf išče prijatela,
prijatel, prijateli su bili
pak jih je z naše hiže natiral
stranjski človek.
Zabadaf iščeš srce prijatel,
srce smo meli,
nekomu je palo na kamen
pak se je potrlo ...
Zabadaf iščeš den, prijatel
i den smo meli,
pak smo ga s kmicom zamejali,
a što bi ve znal, da je kmica,
da je den...
Zabadaf iščeš zemlo, prijatel,
i zemlo smo meli,
premalo smo ju poštuvali,
pak je zrasel po celi zemlji
drač ...
PST, TIHO!
Pst, tiho ...
Či čujemo dečiji smeh,
či slaviček milo popevle,
či večer zvoni zdravomarija,
či tulipan vjutru otpira glavicu,
či se v novi hiži na steni išče s
like starih gospodarof,
či mesec prez kluča hodi v hižu,
či je srce zadovolno i miruvle,
či na veter večer zašepeče
»Lehko noč!«
či zada vjutro reče
»Dober den!«
Pst, tiho …
Tiho!
NAVEK NEKAJ ČAKAM
Takši, kak sam denes,
takši sem bil i negda,
navek sem nekaj čakal.
Či vam čisto istino povem,
ne znam, kaj je to,
kaj čakam...
Tak se mi vidi,
da je to nekaj takšega,
kaj se fletno rodi,
kaj odmah zraste i cvete
i kaj je najemput zrelo...
Drugi den je to nekaj
čisto ekstra slatkoga
kaj te v hipu omami tak,
da si jako srečen zato,
kaj dobro ne vidiš...
Ali pak je to i nekaj takšega,
kaj se niti ne vupaš misliti,
da bi to štelo pri tebi ostati...
Vu tom ga nej nikšega greha,
nikšega fjakuvanja...
Pravo sliko toga nepoznatoga
pokaže sam ono zrcalo,
štero svojih slik ne prodavle
i štero da sakemu človeku
navuka
»Dugo bo živel človek,
šteri dugo čeka…«
STARI DVOR
Se kaj si štel
je bilo vuni na dvoru:
kokoši i race,
goske i pure,
pes i njegova hižička,
kuruzjk i klopotec,
štala i krave,
kotec i svije,
brajde i teglin s cvetjem,
kola i ornice,
brana i jarem pod kapom,
prislojeni bič pre štali,
trčki za kuriti
i složena nacepana drva,
plug na guhni,
stara ponjava,
stopa za proso i hajdino,
brajde po polovici dvora,
pod brajdami stol i klope,
pod kapom kosa, srp i voder
s brusom i slatki papriš
pred drvaj tačke i sekira …
To, do ve ni nikša pesmica,
tak je negda bilo.
Ali ve,
da se nešči spitavle,
kak je to mogoče,
da je človek dozvolil,
kaj je »Nešči«
z bičom razegnal se,
kaki je bilo lepo,
pak si se nej niti zase prišparal
falaček stare sreče...
To je ta moderna pesmica...
Je.. je...
tak je to na svetu,
stari dvor je zginil
a novi nikdar ne bu dojšel ...
MEDJIMURJE MALO, KAKŠE JE TO TVOJE LICE?
Što bi si bil to negda mislil…
Ali su ludi nej znali, ali su
nej vupali sega toga napraviti,
kaj dendenes delaju?
Kruha po cesti mečeju
s starih hiž se norca delaju novoj,
si oltare zidaju,
pak skriveeki pod oltarom klečju
moliju i moliju...
»Daj, božek dragi, kaj nišči
drugi ne bu imel sega toga,
kaj ja imam…
Oblačiju se tak kak grofi,
z očaljemi se španceraju,
stare lenke zahitavljeju,
sveče sam za boič vužgaju,
ot hiže bežiju …
dimo samo jest hodijo,
peneze na kup spravljaju,
sosede ne priznaju
z jednuga na. tirugi sastanke lečeju,
i klafraju i lažeju
i praznu slamu mlatiju;
spametni su itak si i prespametni,
najbole pak išče uni,
šteri nikše škole nemaju...
Stare ludi jako fletno s hiže
pravlaju, pak či treba se na
cintoru i plačeju, ali nej od
žalosti i tuge, neg od sreče,
kaj su se jim s sveta vugnili.
Što se vupa sega se zavžije,
što ne vupa siromak je i siromak
ostane.
A vu srcu je toliko praznoga,
da bi lehko prazno s praznim
krpali, pak bi praznoga nikdar
ne zakrpali, zato,
kaj se zna, kaj je bilo negda,
jako dobro skup zašito
samo para, para...
dok se ne spara...
Nazadnje se i človek sam raspara
pak ostaneju sam canjki...
Medjimurje malo,
se buš, da zracilo od toga betega
se bo išče dale, tvoje duša parala
ali pak bo što napravil vozla,
kaj se ti ne bu vsa oprava
razparala?
Pesmi so iz zbirke »Deca prez svetešnje oprave«, Slovenska Bistrica, 1985.
