Čekajuć na stanici, kako na sliki vidi san sriću, kroz ples tako lipo pokaženu, plesač je bi jedan kučak – brek – od sriće vrti se na sve kraje i skaka, došla mu je gospodarica, domisli me na naš ples balon, balun, baluon eli tanac, ki kroz svoje korke povida, ča je volit, ljubit, ča je želja i življenje, uno srićno, najsrićnije, najsrićnije ko muški ženski i una njemu moru zreć i skazat, uno vrime, kad na plesu bili su svo selo i sva rod, znalo se ki bi skin i ki bi za kega poša i u voganj ko rabi, a uni su se gledali kako žedna zemlja.
Mladić je mladine pita ko bi šnjon smi zaplesat, i kad je za ples sprosi, poša je po nju, tamo na uni kraj kadi su bile mlade, zagleda je je i miri, kako mu je lipa, kako da je prvi put vidi, kako da je jedina na tin svitu, una se u sramu ubraćala da je ne gleda, a samo se pokaživala, da se za nj naredila, ko bi mu se dopala, ko bi ga zavela, kako kakova vila ka je i bila, za njega, prva zadnja i jedina, zazva je je, malo se nećkala bi i nebi, a u njoj je gorilo kako i u njemu, pomalo stali su se, zavrti je je na mistu da vide, neka gledaju, neka gledaju tu lipotu ka mu se smilovala ples š njin zvrtit, šli su na korak šećuć se, ćutila je njegovu ruku na svojin boku, ka grije je i pali, a njemu na ramenu njoja ručica lako ga stišće, gladi, kako da moli da je uzme, gore želje i tila, u prebir javi se Prvi, u prebiru zmiču se noge, nasmihi i oči, u potu tope se od sriće, zavalcaj joped Prvi, pomalo na lako zavalcali su kako u valceru, po kin je valcat i dobilo ime, šeći za počin po besidi od Prvega šeću, ala ranja eli – brižan coto – Prvi zna ča kad gre, kako da šepaju, kako da više ne moru, a uni se samo zabaljaju, pak još jena šetnja, sve kako zapovida je Prvi, pred kraj, kruna kraja plesa, zgor plesi, i kad zavika je ubrni je kako da se zemlja stresla, zastupa je, zdiga livicu, i z duše zvrisa: SAD SI MOJA za sve živuće, neka vide, ki je za kega sudjen, samo se nasmihla, sad si moj, rekle su njoje oči i tilo, njoja noga mrež njegovima, njegova mrež njojima, dva para nog u tri se vrte, okolo sebe i u kolu, na punin plesu, zdigla je obe ruke, neka je stisne, spije use, neka je vrti pelja, držeć je zgor kuki ubraću se kako velo, uni su sami sobon za litru zvika je niki za dvi, ne bačvu eli konobu, sve da bi on za nju, zvrti bi zemlju i nebo i una za njega, reči ti meni, ki bi spisa sve ča se tu zgodalo.
A stari je plesač sta z kraja, on ki je u baloni pode z poton pra tolike pute, sad kad sve je stalo, uze je svoju staru, malo šeća, pak prebira sve na mučeć i zavrtili su se kako frndalice digli oba obe ruke zgoru, vrtili se kako mladi držeć se smo z tili, ni bilo litar bačav ni konob, ke bi njin zuz bok stale, ke bi to kupile i platile, stili su još niki tako, pak su se razletili, na ritko se takovi radjaju, vidi san i une ki su na stolu, cili balon splesali, a z glave mi ne gre uno blago, uni kučak ki se na stanici srićno vrti, kako naš balon. Još se nadijan da ću ga z tobon splesat, mogar samo jedan put, pak moren na spovid. Sad ti neću više nabrajat, do vidova i stan mi dobro!
V istrskem narečju
Čekajuć na stanici, kako na sliki vidi san sriću, kroz ples tako lipo pokaženu, plesač je bi jedan kučak – brek – od sriće vrti se na sve kraje i skaka, došla mu je gospodarica, domisli me na naš ples balon, balun, baluon eli tanac, ki kroz svoje korke povida, ča je volit, ljubit, ča je želja i življenje, uno srićno, najsrićnije, najsrićnije ko muški ženski i una njemu moru zreć i skazat, uno vrime, kad na plesu bili su svo selo i sva rod, znalo se ki bi skin i ki bi za kega poša i u voganj ko rabi, a uni su se gledali kako žedna zemlja.
Mladić je mladine pita ko bi šnjon smi zaplesat, i kad je za ples sprosi, poša je po nju, tamo na uni kraj kadi su bile mlade, zagleda je je i miri, kako mu je lipa, kako da je prvi put vidi, kako da je jedina na tin svitu, una se u sramu ubraćala da je ne gleda, a samo se pokaživala, da se za nj naredila, ko bi mu se dopala, ko bi ga zavela, kako kakova vila ka je i bila, za njega, prva zadnja i jedina, zazva je je, malo se nećkala bi i nebi, a u njoj je gorilo kako i u njemu, pomalo stali su se, zavrti je je na mistu da vide, neka gledaju, neka gledaju tu lipotu ka mu se smilovala ples š njin zvrtit, šli su na korak šećuć se, ćutila je njegovu ruku na svojin boku, ka grije je i pali, a njemu na ramenu njoja ručica lako ga stišće, gladi, kako da moli da je uzme, gore želje i tila, u prebir javi se Prvi, u prebiru zmiču se noge, nasmihi i oči, u potu tope se od sriće, zavalcaj joped Prvi, pomalo na lako zavalcali su kako u valceru, po kin je valcat i dobilo ime, šeći za počin po besidi od Prvega šeću, ala ranja eli – brižan coto – Prvi zna ča kad gre, kako da šepaju, kako da više ne moru, a uni se samo zabaljaju, pak još jena šetnja, sve kako zapovida je Prvi, pred kraj, kruna kraja plesa, zgor plesi, i kad zavika je ubrni je kako da se zemlja stresla, zastupa je, zdiga livicu, i z duše zvrisa: SAD SI MOJA za sve živuće, neka vide, ki je za kega sudjen, samo se nasmihla, sad si moj, rekle su njoje oči i tilo, njoja noga mrež njegovima, njegova mrež njojima, dva para nog u tri se vrte, okolo sebe i u kolu, na punin plesu, zdigla je obe ruke, neka je stisne, spije use, neka je vrti pelja, držeć je zgor kuki ubraću se kako velo, uni su sami sobon za litru zvika je niki za dvi, ne bačvu eli konobu, sve da bi on za nju, zvrti bi zemlju i nebo i una za njega, reči ti meni, ki bi spisa sve ča se tu zgodalo.
A stari je plesač sta z kraja, on ki je u baloni pode z poton pra tolike pute, sad kad sve je stalo, uze je svoju staru, malo šeća, pak prebira sve na mučeć i zavrtili su se kako frndalice digli oba obe ruke zgoru, vrtili se kako mladi držeć se smo z tili, ni bilo litar bačav ni konob, ke bi njin zuz bok stale, ke bi to kupile i platile, stili su još niki tako, pak su se razletili, na ritko se takovi radjaju, vidi san i une ki su na stolu, cili balon splesali, a z glave mi ne gre uno blago, uni kučak ki se na stanici srićno vrti, kako naš balon. Još se nadijan da ću ga z tobon splesat, mogar samo jedan put, pak moren na spovid. Sad ti neću više nabrajat, do vidova i stan mi dobro!
