Putar daje e vudara, Musafira avena, Če lače čeja, Te manđena.
Ma mi dej ma, Ma pag mo ilo, Nimangav averese, Te dav mo ilo.
Lačo raklo man siman, Le me kamav, Te manglen mudarenma, Lesi ka avav.
Ratvale asva me rovav, Se me čaven, Bokale mukav.
Buči rodav, Kana iriman čere, Čuče vastenca, Mo ilo rovol.
Savi sudbina man isima, Kaj buči me naštiv arakav, Lačo dad me naštiv avav, Me čavenđe.
Naleti mo đuvdipe, Nek avol, Se me čave, Bokale sovena.
Sar duj kale draka, Si me dače jaka, Sar luluđa ani bašćava, Si me dače lafora.
Kana me uštav, Mi dej molilma tate tudesa, Kana me đav te sovav, Mi dej đilabol manđe, Đili sojimase.
Sar o kam mi dej, Tatipe dolma, Kana učarol man, Bahtali sem me.
Amaro čer uvek bahtalo sa, Kana sa mo dad đuvdo, Amenđe e pejenđe, Majlačo dad sa.
Hem kana mo dad mulo, Ačilam bi leso, Amari dej nasvajli, Lako đuvdipe, Dukavdo sa.
Kana mo dad sa đuvdo, Krejtenca sa pinđardo, Kana bašarda pe zurle, Bahtalo sa.
Kana mo dad sa đuvdo, Kreten amen čidla, Đilja đilabda, E ternen sikada te čelen.
Katar mo dad, Sa lače buča ačile, Vov đangla, So si manuš.
